Cholq'ij (k'iche')

De WikiGuate
Saltar a: navegación, buscar
Idioma: Español  • mam • quc
Gráfica publicada en García,Curruchiche & Taquirá (2009, p. 71). © 2009 Dirección General deEducación Bilingüe Intercultural, Instituto de Lingüística y Educaciónde la Universidad Rafael Landívar, Consejo Nacional de Estudios Mayas.

Le tzij Cholq'ij (jun mayab' tzij ajkaqchikel) are ri loq'alaj kicholq'ij Mayab' tinamit nuk'matal rumal 260 q'ij jachatal uwach pa oxlajuj ik'. Xuquje' kab'ix chech chol ik' on chol loq'alajisatalik on Tzolkin (Barrios, 2004 ; García, Otzoy & Taquirá, 2009 ; Méndez et al., 2008 ; Rupflin, 1999).


Contenido

Chol ik'

Le Cholq'ij kab'ix chol ik' chech ma are kuch'ikib'a' b'elejeb' setesik taq ik' uq'ijil ri kanajtin ruk'a'xik ri ne' pa utz'alamil ixoq (García, Otzoy & Taquirá, 2009, p. 35). Are tzij ri kub'ij ri mayab' q'ijilowem, ri usik'ixik uwach taq retal chi'l mayab' taq ajilab'al cholotal chi pa we chol uxlab'il chi'l re uwachulew ri kakiya' b'e che ri ajq'ij kuya' kina'oj ri e winaq, are na k'u tzij ri uq'ijil kalaxb'al; xuquje' kojtal rumal ri Iyom are chi kuchol ri k'ulunem re jun k'ak' k'iyisa'n (García, Otzoy & Taquirá, 2009, p. 47).

Ri rajlaxik ri Cholq'ij

Ri rajlaxik ri Cholq'ij kumal ri k'iche' mayab' winaq re ri kamik chik are umajixik ri ajilanik pa Wajxaqib' B'atz', ri ajilab'al chi'l ri q'ij kakamulix rajilaxik chi oxlajk'al/260 q'ij (Mendez et al., 2008). Chi ujujunal q'ij re ri cholq'ij kaxola'x ruk' ajilab'al ri kataqex ub'i che 1 kopan pa 13, k'a ke'tz'aqata pa oxlajk'al q'ij. Xaq ruk' ri q'ij ri kamajix wi rajlaxik kakamulix chi oxlajk'al q'ij. Ojer kanoq k'amanaq utaqexik ri cholq'ij pa 1 Imox katerene'x ub'i ub'anik ri k'iyirisanem che taq ajilab'al ruk' taq q'ij ri ke'riqowa ronojel ri oxlajk'al (Mendez et al., 2008).

Ri wokow usutixik rij ri oxlajk'al q'ij re ri Cholq'ij are utak'ilib'em ri ucholaj ri mayab' juk'alil (13X20); "wa' we uk'a'nem kunuk'maj ukamulixik chino'jajilanem re waralik usilab'inem ri ik' chi 13:20 "ri kaq'alajisax pa utak'alib'al ri jek'onem qas re ri Ik'-Ulew, ri ub'antajik ri k'aslik uwach pa ri nan Ulew are na k'u tzij ri q'ij unak'anob'em pa kotz'i'ijal, ri uq'ij alaxinem chi'l ri uchak upatan pa ri uk'aslemal" (García, Otzoy & Taquirá, 2009, p. 234). Ri q'ij re we cholq'ij ri' "e k'exwachim ruk' ri lajuj uwi' taq q'ab'aj chi'l ri lajuj iwi' taq aqanaj ri kumol juwinaq uk'exwach ri q'ij re ri Cholq'ij" ma ri wokonem no'jajilanem ucholajem mayab' juk'alil "are utak'alib'em ri Jun winaq ri juwinaq uwi' q'ab'aj" (García, Otzoy & Taquirá, 2009, p. 47 y 234).

Taq uq'ijil Cholq'ij

Pa k'iche' mayab', ri e juwinaq q'ij re ri Cholq'ij kik'amom we taq b'i'aj ri': B'atz', E, Aj, I'x, Tz'ikin, Ajmaq, No'j, Tijax, Kawoq, Ajpu, Imox, Iq', Aq'ab'al, K'at, Kan, Kame, Kej, Q'anil, Toj, Tz'i'. Wa' we taq b'i'aj are k'u kech ri juwinaq taq ch'umilal on retal taq q'ij re ri cholb'al q'ij ri kakiretalij jujun taq kib'antajik ri winaq are na k'u tzij ri uq'ij alaxinem (Barrios, 2004; León, 1999; Méndez et al., 2008; Rupflin, 1999).

K'iche' choltzij

  • No'jajilanem = matemática
  • Jek'onem = gravitaciones
  • Unak'anob'em pa kotz'i'jal = engendración

Referencias bibliográficas

  • Barrios, C. (2004). Ch'umilal Wuj (2a. ed.). Guatemala: Cholsamaj.
  • García, A. P., Otzoy, G. C. & Taquirá, S. (2009). Ruxe'el Mayab' K'aslemäl: Raíz y espíritu del conocimiento maya. Guatemala: Dirección General de Educación Bilingüe Intercultural, Instituto de Lingüística y Educación de la Universidad Rafael Landívar, Consejo Nacional de Estudios Mayas.
  • León Chic, E. (1999). El corazón de la sabiduría del pueblo maya. Guatemala: Fundación CEDIM.
  • Mendez, L., Valey, E. & Hernández, D. (2008). Historia Mayab' Capítulo: Mayer Maya'nawom B'aanuhom. Guatemala: Asociación Maya UK'U'XB'E.
  • Rupflin Alvarado, W. (1999). El Tzolkin. Guatemala: Fundación CEDIM.