Atanasio Tzul (k'iche') - WikiGuate

Atanasio Tzul (k’iche’)

(Última actualización: febrero 27, 2015)

Ri tat Atanasio Tzul xok na jun uk’a’l kech waralik winaq ajiximulew (ajk’iche’ winaq), nim ub’antajik uk’exwach ri Yakoj ib’ kech waralik e wokow re Chwi Miq’ina’ pa ri junab’ (4.jpg 11.jpg 0.jpg = 1820)<ref>kajq’o’ julajk’al = 1820</ref>, ri xelesan q’atal tzij pa kiq’ab’ ajEspaña xukoj ri utaqab’alil xa juk’al q’ij xnajtin pa we ulew ri’.

Uk’aslemal

Ri tat Tzul jela’ k’yinaq wi uloq pa ri Wokaj Paquí, Chwi Miq’ina’ (“Tzul, Atanasio”, 2007) xuquje’ chi kixo’l jun alaxikilal e b’anal taq ch’ipaq ri xejeqi’ pa ri Komon Linkah. Ri rixoqil are ri Felipa Soc. Móbil (1991) kuq’alajisaj chi man k’o ta ucholb’alil ri kach’ikib’an ri uq’ijil ralaxb’al xuquje chech ri ukamikal, par kuk’utu chi xalax pa ri siglo XVIII xkam k’u pa ri Siglo XIX.

Ub’inib’al pa No’jib’al patanijem

Ri tat Tzul xutaqej ri uk’aslemal pa ri no’jib’al patanijem pa ri junab’ (4.jpg 10.jpg 13.jpg = 1813)<ref>kajq’o’ lajk’al oxlajuj = 1813</ref>, aretaq xok K’amal b’e re komonem ulew, (xuquje’ kb’ix che calpul) re Linkah. Pa ri junab’ (4.jpg 11.jpg 0.jpg = 1820)<ref>kajq’o’ julajk’al = 1820</ref>, eta’matal chi uwach chi are kik’exwach ri komonem taq ulew re Linkah, Pachaj, Uquljuyub’, Chiché chi’l Tinamit. Xaq pa ri junab’ ri’, ruk’ k’u ri reqele’n xuquje’ rumal ri urayi’n ri utinamit che uk’isik taq tojb’al kuchub’al che tyoxja chi’l ri kuchuj, ri tat Tzul xujunamaj ri uchuq’ab’ ruk’ ri Lucas Aguilar xuquje ruk’ ri Nab’e Alkalte re Chwi Miq’ina’, Narciso Mallol. Pa junamam xkichuq’ab’ej uq’atexik ri kichuq’ab’ ri e winaq e k’ak’ wokol tinamit ajespaña, b’inisam rumal ri Uk’a’l No’jpatanijem Rulew Iximulew, ri Nima Taq’o’n re Tyox Iximulew, Ramón Casaus y Torres, ri kaxlan winaq e cha’talik xuquje ri nima’q kib’antajik chi winaq re Chwi Miq’ina’ (e jech’eb’am chi kixo’l ri kitz’aqat ri tinamit waralik winaq ruk’ k’u toq’ob’san wachil xa rumal ri kitob’anik chech ri ch’oq’ab’en riqoj re Europa). Xchupsax ri kuchuj pa ri junab’ (4.jpg 10.jpg 11.jpg = 1811)<ref>kajq’o’ lajk’al ju’lajuj=1811</ref> kumal taq uwinaqil ajpop re Cádiz, xtzalijsax chi jumul rumal ri k’ak’ ajpop Fernando VII.

Ri upayil ri no’jib’al patanijem chi’l ri chajil amaq’ aj España, ri nab’e taq tijb’al uq’ijil ri kitukelal chi no’jib’al patanijem xuquje ri k’amb’ejanem chi kixo’l taq ajchakib’ ajespaña are qas xyo’w b’e che ri wa’lijsanem (“Tzul, Anastasio”, 2007). Xa k’u jeri’ xtukelax ib’ chi uxe´ri kuchuj, ri k’exoj re ri Nab’e Alkalte José Manuel Lara de Arrese xuquje ri ukojik ri taqab’anel qas kech.

Chupam k’u jujun taq q’ij chi uxo’l taq ik’ julio chi’l agosto re junab’ (4.jpg 16.jpg 0.jpg = 1920)<ref>kajq’o’ waqlajk’al = 1920</ref>, ri tat Tzul xchakun chech kik’exwach winaq ri qas xq’alajinik chi kitaqab’anel waralik winaq (“Tzul,Atanasio”, 2007).
Ri uk’a’nel winaq ajk’iche’ xrapax b’elejeb’ q’ij, jeri’ kub’ij Móbil (1991) xuquje’ xk’aq na pa che’ pa Xelajuj No’j, aretaq xq’atex uwach ri kitaqem kumal we ne e kaq’o’ lajk’al e kaxlan winaq ajch’o’jib’, jela’ kub’ij ri usepaj internet (Democracia Multicultural: Atanasio Tzul, 2009). Pa ri ik’ marzo junab’ (4.jpg 11.jpg 1.jpg = 1821)<ref>kajq’o’ julajk’al jun = 1821</ref> xtzoqopixik, k’ate na aretaq xkib’an jun nimalaj mulin ib’ ri winaq ajchwi Miq’ina’ xuquje’ xkita’ jun sachoj mak.

Tz’aqna’tab’al ya’b’al unimal uq’ij

Ri wokol wachib’al Rodolfo Galeotti Torres xuwok jun uwachib’al ri tat Tzul Chwi Miqi’ina’, ub’i’na’am Tz’aqna’tab’al che Atanasio Tzul.

K’iche’ choltzij

  • Alaxikilal = familia
  • Kuchuj = tributo
  • Tz’aqna’tab’al = monumento

<references/>

Ri wujil kariqitaj wi

Categorías

¿Te ha gustado? Comparte este artículo

La educación de Guatemala te necesita

Durante los últimos nueve años, desde nuestra fundación en 2009, hemos llevado artículos educativos e información valiosa a millones de guatemaltecos.

En casi una década de vida, Wikiguate ha recibido el apoyo de diversos miembros de la sociedad local y actores internacionales para nacer y establecerse como un sitio de referencia sobre Guatemala.

Ahora te necesitamos a ti también, para seguir creando y editando información y artículos educativos para satisfacción de la población guatemalteca. Nuestro país es una de las cinco naciones más violentas del mundo y con los índices más bajos de desarrollo humano del continente. Solamente la educación nos hará salir adelante.

Apoya a Wikiguate

Pago Seguro