Ch'umilal - WikiGuate

Ch’umilal

(Última actualización: febrero 27, 2015)

Ri ch’umilal on rajawal are uxlab’il chuq’ab’ ri kachi’lan ri e winaq, awajib’ chi’l chi jujunal raqanil ri uwachulew, jeri’ kub’ij ri mayab’ q’ijilowem. Kuya’o kak’exwachix rumal jun awaj, jun kotz’i’j, jun tz’ikin on jun raqanil jacha le Q’ij, le Ulew, ri ja’, ri kaqiq’, nik’aj chik. (García, Curruchiche & Taquirá, 2009; Rupflin, 1999). Ri jupaj tzij ch’umilal/nawal che ri jun ch’ab’al nahuat re México elenaq wi are k’u uk’exwach ri tzij Ruwäch q’ij kb’ix pa mayab’ kaqchikel re Iximulew, (pa mayab’ k’iche’ kb’ix che ri uwach q’ij) are k’u kuk’ut ri chajinel ri kachi’lan jujunal raqanil ri uwachulew (García, Curruchiche & Taquirá, 2009).

Chajinel

Kub’ij ri mayab’ q’ijilowem, ri uq’ij alaxb’al ruk’a’m uloq chuq’ab’ ri kayo’w b’e che chi jujunal winaq kab’an kichakkipatan, ruk’ uchajinik chi’l uja’marenik ri uch’umilal(García, Curruchiche & Taquirá, 2009).
Ri uch’umilal jun winaq kuk’utunsaj rib’ rumal k’i taq raqanil ri uwachulew, jacha ri kot, ayin on ri imul (García, Curruchiche & Taquirá, 2004). Pa k’i taq ub’antajik we chajinel ri’ kuk’utunsaj rib’ rumal kipalajil awajib’, kak’oxomaxik chi ri ch’umilal xa jun uxlab’il on chuq’ab’ chi man qas ta rajawaxik kajunamax ruk’ jun awaj (Palma, 2006; Rupflin, 1999).

Ri loq’alajisatalik

Ri jupaj tzij ch’umilal amaq’el kakoj che utzijob’exik pa uwi’ ri loq’alajisatalik che ronojel ri k’o chwach uwachulew. Man xaq ta xew chi kech ri winaqil k’o wi, xa ne are jun chuq’ab’ qas k’o chi kech tzaqb’alk’u’x taq cholole’n ulew (pek, k’ache’laj, nik’aj chik), waralik taq tzaqb’alk’u’x (joron, q’aq’, nik’aj chik) chi’l chi kech konojel taq jastaq ri k’o jun pataninil chak pa ri winaqil k’aslemal (ri ja,ri uwi’ja, nik’aj chik). Jun k’amb’alno’j, ri chajinel on rajaw ri alajcho, ri cho on juyub’, kuya’o kak’exwachix ruk’ jun nimalaj kumatz on nik’aj chi k’aslik kiwach (García, Curruchiche & Taquirá, 2009).
Pa ri mayab’ q’ijilowem, ri cholb’al q’ij Cholq’ij nuk’matal rumal juwinaq ch’umilal o retal taq q’ij re ri oxlajuj ik’ re jun junab’, are k’u ri kib’i’ pa ch’ab’al mayab’ k’iche are taq wa’: (Palma, 2006; Rupflin, 1999): B’atz’, E, Aj, I’x, Tz’ikin, Ajmaq, No’j, Tijax, Kawoq, Ajpu, Imox, Iq’, Aq’ab’al, K’at, Kan, Kame, Kej, Q’anil, Toj, Tz’i’ (Barrios, 2004; García, Curruchiche & Taquirá, 2009; León, 1999; Méndez et al., 2008; Rupflin, 1999).
Pa ri kajuxkut kaj-ulew on mayab’ kajuq’ab’ ka’ilitaj kiwach, pi ne xa e jo’ob’ taq ch’umilal: Ruk’u’x Tz’ukirem, Ruk’u’x Xamalil, Ruk’u’x Alaxb’äl, Ruk’u’x Patän Samäj y Ruk’u’x Ruchuq’a’ K’aslemäl – pa kaqchikel mayab’ ch’ab’al (pa k’iche’ mayab’ ch’ab’al are taq wa’: Uk’u’x ri k’aslemal, uxlab’il k’u’x, uk’u’x alaxb’al, uk’u’x ri uchakupatan, uk’u’x jasach k’aslemal)- (García, Curruchiche & Taquirá, 2009).

K’iche’ choltzij

  • Kajuxkut kaj-ulew = cuadrante
  • Ja’marem = intervención/mediación
  • Kot = águila
  • Uk’u’x ri k’aslemal = corazón de la vida
  • Uxlab’il k’u’x = corazón espiritual
  • Uk’u’x alaxb’al = corazón del nacimiento
  • Uk’u’x ri uchakupatan = corazón de la misión
  • Uk’u’x jasach k’aslemal = corazón de la vida material

Referencias bibliográficas

  • Barrios, C. (2004). Ch’umilal Wuj (2a. ed.). Guatemala: Cholsamaj.
  • García, A. P., Curruchiche, G. & Taquirá, S. (2009). Ruxe’el Mayab’ K’aslemäl: Raíz y espíritu del conocimiento maya. Guatemala: Dirección General de Educación Bilingüe Intercultural, Instituto de Lingüística y Educación de la Universidad Rafael Landívar, Consejo Nacional de Estudios Mayas.
  • León Chic, E. (1999). El corazón de la sabiduría del pueblo maya. Guatemala: Fundación CEDIM.
  • Mendez, L., Valey, E. & Hernández, D. (2008). Historia Mayab’ Capítulo: Mayer Maya’nawom B’aanuhom. Guatemala: Asociación Maya UK’U’XB’E.
  • Palma, D. A. (2006, julio). Conocimientos y prácticas mayas: una aproximación. Revista Voces Instituto de lingüística y educación, año1, número 2, 41-119.
  • Rupflin Alvarado, W. (1999). El Tzolkin. Guatemala: Fundación CEDIM.

¿Te ha gustado? Comparte este artículo

La educación de Guatemala te necesita

Durante los últimos nueve años, desde nuestra fundación en 2009, hemos llevado artículos educativos e información valiosa a millones de guatemaltecos.

En casi una década de vida, Wikiguate ha recibido el apoyo de diversos miembros de la sociedad local y actores internacionales para nacer y establecerse como un sitio de referencia sobre Guatemala.

Ahora te necesitamos a ti también, para seguir creando y editando información y artículos educativos para satisfacción de la población guatemalteca. Nuestro país es una de las cinco naciones más violentas del mundo y con los índices más bajos de desarrollo humano del continente. Solamente la educación nos hará salir adelante.

Apoya a Wikiguate

Pago Seguro