Comunidades lingüísticas del pueblo maya/mam - WikiGuate

Comunidades lingüísticas del pueblo maya/mam

(Última actualización: septiembre 24, 2015)

Aqe kyyol kytanam qxjalil maya twitz Paxil at junk’al kab’e (1.jpg 2.jpg = 22) kyb’aj, atzan kyb’i lu’n: achi’, akateko, awakateko, chalchiteko, ch’orti’, chuj, itza’, ixil, jakalteco o popti’, kaqchikel, k’iche’, mam, mopan, poqomam, poqomchi’, q’anjob’al, q’eqchi’, sakapulteko, sipakapense, tektiteko, tz’utujiil ex uspanteko (Verdugo, 2009, p. 855).
A qtanam Maya, nimxix kyb’aj txjalil nchi najan twitz qtanam Paxil, at junk’al b’elajlaj tuk’ oxtal ti’j jwe’k’alin xjal (39.3%) ti’j tkyaqil kyajlal xjal nchi najan twitz Paxil, b’a’nxa antza b’uk’leqe qxjalil maya najal toj tniky’aj qtanam jawl, okni ex jawni, a ja’lo o pon kyslamin kyib’ twitz tkyaqil qtanam Paxil (PNUD, 2005, p. 66).

 

Junch’inx kyxe’chil

Tej ojtxe, mala b’aj jun lajq’o (10.jpg 0.jpg 0.jpg= 4000) ab’q’i, twitz Mayatx’otx’ noq junch’in yol nyolajtztaq, toktaq tb’i te maya yol mo “protomaya” kyu’n mos ajxpich’il ti’j tchwinqil tyol qtanam Maya, ti’jo maya yol ẍi el anq’ina txqan yol, a nchi yolajtz ja’lo toj qtanam Paxil. Chitzan ajxpich’il Richards kyjalu’n:

Chi Kaufman, qa atxix toj lajq’o (10.jpg 0.jpg 0.jpg= 4000) ab’q’i, noq junch’in kye qxe’chil kyyoltaq, minti’ b’i’n ti’xix tb’i, me atza ẍi el anq’ina txqantl yol ti’j, tu’ntzan sok q’o’n tb’i te protomaya. Tej sel kypa’n junjun ch’uq qxjalil kyib’, b’e’x sel anq’in junjun tal yol, ẍi ch’iy ex aqe txqan nchi yolajtz ja’lo twitz qtanam Paxil kyu’n kytanam qxjalil.
[…] Tze’nkuxjo wiqb’inkye kyyol qxjalil b’ant tu’n Kaufman, at nimaq kab’e tq’ob’ maya yol i el anq’in: a tnejil qe yol ẍi jaw ch’iy toj plaj okni ex a tkab’, yol ẍi jaw ch’iy toj plaj elni, ajo pa’b’inte tib’ maya yol lu’n, toj jwe’q’o (5.jpg 0.jpg 0.jpg = 2000) ab’q’i tb’aj tjaq’kux Cristo. Ex a amb’iljo tej kyel anq’in junjuntl ch’uq kyyol qxjalil maya, tze’nku Huasteko ex Yukateko.

Junjun nimaq pa’b’inte maya yol mo tnejil kyyol qxjalil, at ila’ ch’uq yol sel anq’in kyi’j ex aqe junjun ch’uq yol at kyk’ulb’in kyib’. (Richards, 2003, p. 13)

Kyq’ob’ yol

Toj qtanam Paxil nchi yolajtz jwe’ ch’uq kyyol qxjalil maya -yukateka, nim tzeltal, nim q’anjob’al, mam ex nim k’iche’-, antza i el anq’ina ti’j tnejil kyyol qxjalil maya mo maya yol, tze’nkux xpich’b’il ti’j yol b’ant tu’n Kaufman (Verdugo, 2009, p. 860). A ttxolil xpich’b’il kyi’j yol toj amb’il, ntq’uma’n jtoje ttzaj xkye jun yol, a tumil xpich’b’il kyi’j yol in okin kyu’n ajxpich’il yol, ex in ajb’in te mujb’il ex ka’yil junjun yol toj jun yol (Richards, 2003, p. 13).

Protomaya.jpg

Referencias bibliográficas

  • Programa de las Naciones Unidas para el Desarrollo (2005). Diversidad étnico-cultural y desarrollo humano: La ciudadanía en un Estado plural: Informe Nacional de Desarrollo Humano 2005. Guatemala.
  • Richards, M. (2003). Atlas Lingüístico de Guatemala. Guatemala: Secretaría de la Paz de la República de Guatemala, Universidad del Valle de Guatemala, Universidad Rafael Landívar, Agencia de los Estados Unidos para el Desarrollo Internacional.
  • Verdugo, L. (2009). En: I. Sichra (Ed.). Atlas sociolingüístico de pueblos indígenas en América Latina (tomo II, pp. 852-874). Bolivia: Fondo de Naciones Unidas para la Infancia y Fundación para la Educación en Contextos de Multilingüismo y Pluriculturalidad.

¿Te ha gustado? Comparte este artículo

La educación de Guatemala te necesita

Durante los últimos nueve años, desde nuestra fundación en 2009, hemos llevado artículos educativos e información valiosa a millones de guatemaltecos.

En casi una década de vida, Wikiguate ha recibido el apoyo de diversos miembros de la sociedad local y actores internacionales para nacer y establecerse como un sitio de referencia sobre Guatemala.

Ahora te necesitamos a ti también, para seguir creando y editando información y artículos educativos para satisfacción de la población guatemalteca. Nuestro país es una de las cinco naciones más violentas del mundo y con los índices más bajos de desarrollo humano del continente. Solamente la educación nos hará salir adelante.

Apoya a Wikiguate

Pago Seguro