Cruz Maya (k'iche') - WikiGuate

Cruz Maya (k’iche’)

(Última actualización: febrero 27, 2015)

Ri Mayab’ Kajuq’ab’ on Mayab’ Kajuxkut kaj-ulew xnawalij che ri ukemalil loq’alajisatalik kojom kumal ri e tiko’nelab’ Tz’aqol B’itol, e tz’aqonelab’ e wokonelab’ re ri uxekajil uwachulew, aretaq xketaj, xkiq’ato xuquje’ xkipa’ij ri Ulew. Xa jun chokonsa’n ri kayo’w una’oj ri uxlab’il uk’aslemal ri k’aslik uwach (García, Curruchiche & Taquirá, 2009).

Cholole’n uwach

Ri Kajuxkut kaj-ulew wachitalik ya’om pa ri kaj xchokon chi kech ri mayab’ eta’manelab’ uxekajil rech ka’ilitajik ketax ri kok’owib’al taq raxa taq ch’umil pa ri q’ijsaq. Ri mayab’ kajuq’ab’ man xaq ta xew kachokon che usik’ixik uwach ri uxlab’il uk’aslemal ri k’aslik uwach, xa ne jun chokonsa’n ri kakoj che usik’ixik uwach ri q’ijsaq (García, Curruchiche & Taquirá, 2009).
Ri eqele’nelab’ chech taq q’ijilal junab’ re 365 q’ij keriqitaj pa taq uxkut ri kajuq’ab’, kuq’alajisaj chi a’re’ e chajinelab’ re ri k’exonem chi jujun junab’, kakiya’ k’u chi kech ri e k’aslik kiwach ri ya’oj utzijol pa uwi’ taq ch’uti’n k’u’xaj xuquje ri b’antajb’alil ri kak’ulmataj pa ri unajal jun junab’. Ri kajuxkut kaj-ulew katob’an che uriqik ri uch’ob’olil ri ruk’a’m uloq ri q’ijsaq. Pa ri mayab’ eta’manem we kakojik chi ri k’aslik uwach kux ka’ib’ uwinaqil, k’u kuk’utu chi kaq’alajin chech ri winaq jun uxlab’il k’aslemal k’o pa umoxq’ab’ chi’l jun jasachak’aslemal k’o pa uwikiq’ab’ chech ri kajuxkut kaj-ulew (García, Curruchiche & Taquirá, 2009).
We koksax ri kajuxkut kaj-ulew che uk’aslemal ri k’aslik uwach kux jun chokonsa’n ri kayo’w ub’ixik ri uchuq’ab’il taq chuq’ab’ k’o che ri Winaq on ri k’aslik uwach, are k’u katob’an che ri Ajq’ij che ucholajixik ri uxlab’il taq b’anoj uk’amom rib’ ruk’ jasachak’aslemal (García, Curruchiche & Taquirá, 2009).
K’o oxib’ uk’u’x utz’aqat ri Kajuq’ab’ ri keb’in chi releb’al q’ij k’a chi uqajb’al q’ij: ri nab’e are kuk’ut ri unak’anob’ik pa ukotz’i’jal, pa ri utz’aqat uk’u’x are kuk’ut ri uq’ij alaxb’al, ri urox are kuk’ut ri uchakupatan ri k’aslik uwach. Ri uch’umilal taq q’ij we man karachi’laj ri rajilab’al ri chuq’ab’ man kakowinb’ex ta uch’ob’ik ri uchakupatan ri k’aslik uwach (García, Curruchiche & Taquirá, 2009).

Jun chi rajawaxik ya’b’al ub’ixik ri kajuxkut kaj-ulew, pa ri ch’ab’al kaqchikel, are ri utzal ri nak’anob’inem ri kub’i’naj Ruk’u’x Tz’ukirem (uk’u’x ri k’aslemal), jun ch’aqa’p ri kajeqi’ wi ri uk’u’x una’ojil ri unak’anob’ik on ralaxb’al jun wokchak pa ri jasachak’aslemal. Pa ukotokolil pa moxq’ab’, kariqitaj ri ch’umilal ub’i’nam Ruk’u’x Xamalil (uxlab’il k’u’x), ri upatan are ucholajixik chi uxlab’il ri uk’amik unak’anob’ik on uchomaxik jun wokchak ri kab’an che ukowinb’exik uriqik ri ch’umilal Ruk’u’x Alaxb’äl (uk’u’x alaxb’al on ralaxb’al xa apachike jasach wokchak re ri k’aslemal). We kachololex uwachil ri nik’aj ketetik, kojopan ruk’ ri ch’umilal Ruk’u’x Patän Samäj (uk’u’x ri uchakupatan ri k’aslik uwach), chi’ k’ut kakowirsax wi kawa’lijsax wi uchakupatan ri k’aslik uwach k’ate k’uri’ kachol ri k’o chupam taq jasach wokchak. Pa ri ukaj utz’aqat teren chi rij ri uk’isb’al, pa ri utzalajil ri ketetik kariqitaj wi Ruk’u’x Ruchuq’a’ K’aslemäl (Uk’u’x jasacha k’aslemal), utzal kariqitaj wi xuquje’ kaya’ wi taq uwachil chi’l taq reta’manem ri wokchak chech ri wokaj (García, Curruchiche & Taquirá, 2009).

Kachi’laxik ajq’ijab’

Ri Ajq’ij, chi achi chi ixoq we ruk’a’m uloq ri ajilab’al wajxaqib’ chi’l oxlajuj pa ri tak’alik ukajuxkut kaj-ulew, we b’a pa ri uch’umilal unak’anob’em, uch’umilal ralaxb’al, uch’umilal uwachuq’ij on uxlab’il chi’l jasach uchakupatan, on pa ri uch’umilal ri taqanel k’amal b’e, are k’u kaq’alajisanik chi kok na jun utzalaj Ajq’ij (García, Curruchiche & Taquirá, 2009).

K’iche’ choltzij

  • Eta’manelab’ uxekajil = astrónomos
  • Mayab’ kajuxkut kaj-ulew = cuadrante maya
  • Cholole’n uwach = descripción
  • Unajal = ciclo
  • Uxlab’il k’aslemal = vida espiritual
  • Jasach k’aslemal = vida material

Referencias bibliográficas

  • García, A.P., Curruchiche, G. & Taquirá, S. (2009). Ruxe’el mayab’ K’aslemäl Raíz y espíritu del conocimiento maya. Guatemala: DIGEBI – Dirección General de Educación Bilingüe Intercultural, Instituto de Lingüística y Educación, Universidad Rafael Landívar, CNEM -Consejo Nacional de Estudios Mayas.

¿Te ha gustado? Comparte este artículo

La educación de Guatemala te necesita

Durante los últimos nueve años, desde nuestra fundación en 2009, hemos llevado artículos educativos e información valiosa a millones de guatemaltecos.

En casi una década de vida, Wikiguate ha recibido el apoyo de diversos miembros de la sociedad local y actores internacionales para nacer y establecerse como un sitio de referencia sobre Guatemala.

Ahora te necesitamos a ti también, para seguir creando y editando información y artículos educativos para satisfacción de la población guatemalteca. Nuestro país es una de las cinco naciones más violentas del mundo y con los índices más bajos de desarrollo humano del continente. Solamente la educación nos hará salir adelante.

Apoya a Wikiguate

Pago Seguro