Cruz Maya/mam - WikiGuate

Cruz Maya/mam

(Última actualización: febrero 27, 2015)

Ajo yol kyajtx’uk’, antza el anq’ina kyi’jo kab’e yol kyaj ex tx’uk’, a tnejil yol jun ajlab’il ex atzan tkab’ tb’i junjun plaj tx’otx’ ex plaj kya’j tej tb’aj malo’n kyu’n Tz’aqol ex B’itol, aqe ajb’inchil ex ajb’itil ti’j twitz kya’j. Atzan kyajtx’uk’ jun aq’unb’il in ajb’in tu’n tka’yit ex tu’n tkub’ sk’et tumil tchwinqil xjal twitz tx’otx’ ex tuk’il Qajwil. (García, Curruchiche & Taquirá, 2009).

Chiky’b’il

Okb’in kyajtx’uk’ kyu’n qxjalil ojtzqil twitz kya’j kyaq’un, aqe ajkya’j mo ajq’ij, te ka’yb’il ex malb’il amb’il nb’aj tu’n junjun wiq che’w te kyb’e mo kyb’alq’in kyib’ twitz kya’j. Atzan kyajtx’uk in okb’in kyu’n qxjalil te ka’yb’il ex jyol tumil tchwinqil xjal twitz tx’otx’ ex tuk’il Qajwil ex in ajb’in te malb’il amb’il ex twitz tx’otx’ ex twitz kya’j. (García, Curruchiche & Taquirá, 2009).

Aqe kyaje kyb’i q’ij iqil junjun ab’q’i, atza q’uqle junjun toj junjun tnej ttx’uk’ tx’otx’, qu’n junjunku in ok iqil amb’il mo xq’uqil junjun ab’q’i, junjun q’ij iqil amb’il ntzaj tq’o’n tqanil ti’chaq tb’anil ex mya’ b’a’n iqin tu’n junjun ab’q’i.
Nmojin kyajtx’uk’ te chiky’b’il ti’chaq iqin tu’n junjun ab’q’i. Ex ntzaj tchiky’b’in qa kab’e tumil mo txilen tchwinqil junjun xjal, toj qẍnayaj a tumil tchwinqil xjal tuk’il Qajwil ex a toj qb’anq’aj a tumil tchwinqil xjal twitz tx’otx’ (García, Curruchiche & Taquirá, 2009).
Toj kyajtx’uk’ nb’ant tka’yit tipumal tchwinqil junjun xjal, ti’chaq tb’anil tu’n tb’ant tu’n toj tchwinqil ex alkyechaq il ja’ku tz’ok tz’aq toj tchwinqil, in okb’in kyajtx’uk’ kyu’n ajq’ij te nuk’b’ilte tkyaqil aq’untl te aq’b’il chojonte te Qajwil ti’j tkyaqil ti’chaq ntzaj tq’o’n kye xjal ex te qanb’il najsam ti’j tkyaqil il nb’ant kyu’n xjal twitz Qtxu Tx’otx’ (García, Curruchiche & Taquirá, 2009).
Toj tkyajtx’uk’ tchwinqil jun xjal at ila’ wiq tqanil tipumal tchwinqil, at oxe pitxb’il q’ij ate’kux toj tniky’aj, nxi qe elni tu’n tpon okni, atzan tnejil, a tq’ijil txikyil tchwinqil ti’j ttxu, atzan tkab’ a tq’ijil titz’ja, atzan toxin a tq’ijil taq’un xjal. Ex at tajlal tipumal junjun q’ij, qa minti’ tajlal tipumal junjun q’ij minlay tz’el tniky’tzajtz tchwinqil xjal ikyjo (García, Curruchiche & Taquirá, 2009).

Toj kyyol qxjalil Kaqchikel, at tb’i junjun tnej kyajtx’uk’, atzan tq’ijil txikyil tchwinqil jun k’wal ti’j ttxu: Ruk’u’x Tz’ukirem (Tanmin chwiqil), atza ta’ye tanmin xim ti’j jun aq’untl toj chwinqil. Atzan toj qẍnayaj, antza ta’ye tanmin ex tajwil qanmin, Ruk’u’x Xamalil (Xjan Qanmin), atzan taq’un, q’o’l tumil tchwinqil xjal tuk’il Qajwil, tu’ntzan qpon kanin ti’j Ruk’u’x Alaxb’äl (tanmin tlok’il nab’il mo xim ti’j jun aq’untl toj tchwinqil xjal twitz tx’otx’). Ma b’aj chiky’b’it ila’ tnej kyajtx’uk’, ma pon kani ti’j Ruk’u’x Patän Samäj (tanmin taq’un xjal), a chiky’b’il taq’un xjal, a nuk’b’il ti’j xim ex nab’il ti’j tkyaqil aq’untl toj tchwinqil xjal twitz Qtxu tx’otx’. Atzan twi’pin a Ruk’u’x Ruchuq’a’ K’aslemäl (tanmin ttx’otx’il chwinqil), atza ja’tumil nchi etzite twitz ex nchi pon q’oyit twitz aq’untl toj Kojb’il (García, Curruchiche & Taquirá, 2009).

Tokb’in kyajtx’uk’ toj kychwinqil ajq’ij

Toj tkyajtx’uk’ jun ajq’ij, ichin mo qya, njatz yolina, qa iqin wajxaq mo oxlaj tajlal t-xikyil tchwinqil ti’j ttxu, tajlal tq’ijil titz’ja mo tajlal taq’un, mo tajlal q’ij iqil ab’q’i, oktzan ok okil te jun tba’nil ajq’ij (García, Curruchiche & Taquirá, 2009).

Referencias bibliográficas

  • García, A.P., Curruchiche, G. & Taquirá, S. (2009). Ruxe’el mayab’ K’aslemäl Raíz y espíritu del conocimiento maya. Guatemala: DIGEBI – Dirección General de Educación Bilingüe Intercultural, Instituto de Lingüística y Educación, Universidad Rafael Landívar, CNEM -Consejo Nacional de Estudios Mayas.

¿Te ha gustado? Comparte este artículo

La educación de Guatemala te necesita

Durante los últimos nueve años, desde nuestra fundación en 2009, hemos llevado artículos educativos e información valiosa a millones de guatemaltecos.

En casi una década de vida, Wikiguate ha recibido el apoyo de diversos miembros de la sociedad local y actores internacionales para nacer y establecerse como un sitio de referencia sobre Guatemala.

Ahora te necesitamos a ti también, para seguir creando y editando información y artículos educativos para satisfacción de la población guatemalteca. Nuestro país es una de las cinco naciones más violentas del mundo y con los índices más bajos de desarrollo humano del continente. Solamente la educación nos hará salir adelante.

Apoya a Wikiguate

Pago Seguro