Itzel-ilolwachil - WikiGuate

Itzel-ilolwachil

(Última actualización: febrero 27, 2015)

Ri itzel-ilolwachil are jun uyab’ moloj ri kch’ikib’axik chi xa jun uk’yal nimanem ri maj uk’exik chech jujun taq ujech’b’alil, we re b’aqilal on b’anikil, qas tzij on xaq molom aq’anoq, q’a’wachital rumal juch’ob’ winaq ri xa kub’an k’ax chech jun chik, ri ksuk’ub’ax wi re jun b’anoj k’ax chi’l jun ucholaxik taqo’nijem (Casaús, junab’ oq’o’ oxib’/2003, p.109). Wa’ we kub’ij, are ne jun ub’eyal ri chuq’ab’inem ri katikar chech jun ucholaxik taqo’ninem xuquje’ ri jech’b’al wachil chi’l taq tasonem pwaqil, chimoloj on xaq kchomax aq’anoq, ri kuk’am ub’ik “uwach chomanem, no’jib’al on kojob’al chi’l achixinem ri kutik maj uq’ijil, maj uk’ix chi’l k’ulula’nem” (Tubín, Jiménez, Dávila & Sapón, 2010, p. 13).

Ri itzel-ilolwachil are, qas uk’u’x, xaq uk’yal chomanem che ri uwachil chironojel qas ch’ikilik pa uwi’ taq ujech’b’alil, we qastzij on xaq molom aq’anoq, “che uq’awachinik ri q’ab’anel che ub’anik k’ax chech ri riqol k’ax, che uk’utunisaxik jun sokonik” (Memmi, citado por Cojtí, 2003, p. 51). W’a we kub’ij, chi ri itzel-ilolwachil are jun yab’il chimoloj ri man kuya’ ta uq’ij ri jalwachil che rilik utzil k’olem chi kixo’l ri jalajoj taq ch’ob’ ri e k’as pa jun chi amaq’, xane che ub’anik k’ax che jun ch’ob’ xuquje che uto’ik ri ajitzel-ilolwachil (Tubín, Verdugo & Jiménez, 2010, p. 18).

Uk’utunisaxik ri itzel-ilolwachil

Ri itzel-ilolwachil are jun yab’il chimoloj ri ka’il pa ri tasanwachil, le jachan ib’, ri nab’ejsan taq chomanem, ri kichowem, ri sachinaq taq chomanik, ri etzeletal wachil, ri ch’uqutal wachil chi’l elesam apanoq (Tubín, Jiménez, et al., 2010, p. 13; Tubín, Verdugo, et al., 2010, pp. 16-17). Chila’ k’u ka’il wi chi ri uno’jixik ri itzel-ilolwachil ruk’a’m, we ronojel taq raqanil: a) Rilixik ri jech’b’al wachil chi kixo’l ri ajitzel-ilolwachil chi rij ri riqol k’ax; b) Are kuya’ uqij ri jalajoj taq ujech’b’al wachil ri kuq’a’wachij ri ajitzel-ilolwachil xuquje che utaqa’risaxik ri riqol k’ax; c) karetz’ab’ej uwach ri jech’b’alilwachil are chi’ kuk’iyarisaj utza’m xuquje ruk’a’xik chi xaqsu jewi; d) kaq’ijila’x jun sokotajem on jun tzoqopitajem, we b’a ch’ikilik on ok’owel (Memmi, citado Cojtí, 2003, p. 51).
Pa we Iximulew kb’ixik chi ri tasamwachil ruk’ ri itzel-ilolwachil xa jun yab’il, xa chi e jalajoj tzij (Tubín, Verdugo, et al., 2010, p. 17). Ne che ri itzel-ilolwachil, are wi ri jalan wach, ri k’aqom apanoq, ri ximitalik on toq’b’isanem are ne utak’alib’em ri ija’il, chi achi-ixoq on junab’il; ri itzel-ilolwachil are utak’alib’al ujech’b’alil b’aqilal on b’anikil we qastzij on xaq molom chomanik.

Ri ujech’b’alil taq b’anikil on b’aqilal, man e are’ taj kek’iyirsan ri itzel-ilowachil, kuya’ k’ut kab’an ch’awik chi rij ri itzel-ilowachil we pa uwi’ taq jech’b’alil kakiwachij wi jalajojinem wachil pa uwi’ pwaqilal on no’jib’al patanijem; aretaq kakiwachij jun riqonem ib’ che taqo’manem (Casaús, 2003, p. 109).

K’iche’ choltzij

  • Itzel-ilolwachil = racismo
  • Jalwachil = diferencias
  • Uk’utunisaxik = manifestaciones
  • Tasanwachil = discriminación
  • Tasan ib’ = segregación
  • Nab’ejsan chomanem = prejuicio
  • Kichowem = burla
  • Sachinaq chomanik = estereotipo
  • Etzeletal wachil = marginalización
  • Ch’uqutal wachil = invisibilización
  • Elesam apanoq = exclusión

Ri wujil kariqitaj wi

  • Cojtí, D. (2003). Heterofobia y Racismo Guatemalteco, Perfil y Estado Actual. En: O. España. Discriminación y racismo (pp. 49-90). Guatemala: Comisión presidencial coordinadora de la política del Ejecutivo en materia de Derechos Humanos.
  • Tubín, V., Jiménez, A., Dávila, A. & Sapón, F. (2010). Propuesta para un periodismo pluralista: guía para la discusión. Guatemala: Universidad Rafael Landívar.
  • Tubín, V., Verdugo, L. & Jiménez, A. (2010). Cambiemos de Chip. Para una Guatemala plural, un periodismo incluyente (2a. ed.). Guatemala: Universidad Rafael Landívar.

Ajrij tiqob’al

  • Propuesta para un periodismo pluralista: guía para la discusión www.racismoenlosmedios.com/img/propuesta__periodismo_pluralista.pdf
  • Cambiemos de Chip. Para una Guatemala plural, un periodismo incluyente www.racismoenlosmedios.com/img/cambiemos_de_chip_2w.pdf

Categorías

¿Te ha gustado? Comparte este artículo

La educación de Guatemala te necesita

Durante los últimos nueve años, desde nuestra fundación en 2009, hemos llevado artículos educativos e información valiosa a millones de guatemaltecos.

En casi una década de vida, Wikiguate ha recibido el apoyo de diversos miembros de la sociedad local y actores internacionales para nacer y establecerse como un sitio de referencia sobre Guatemala.

Ahora te necesitamos a ti también, para seguir creando y editando información y artículos educativos para satisfacción de la población guatemalteca. Nuestro país es una de las cinco naciones más violentas del mundo y con los índices más bajos de desarrollo humano del continente. Solamente la educación nos hará salir adelante.

Apoya a Wikiguate

Pago Seguro