Najnixim - WikiGuate

Najnixim

(Última actualización: febrero 27, 2015)

Atzin najnixim a kyb’i xim mo yol mya’ ax qe ti’j jun ti’ moj ti’j jun xjal, tu’n at xim mo nab’il mya’ ax tok tib’ajo ttanam mo jun ch’uq ja’tzan tokxa, ex aqe xim nchi ex q’umet tnejil ti’j jun ti’ mo jun xjal mya’ tb’anil ojtzqib’ilte (Tubín, Jiménez, Dávila & Sapón, 2010, p. 16). Aqe najnixim, nchi ajb’in te nimsb’il mo te muyb’il jun xjal mo jun ch’uq xjal noq tu’n kyyol mo kyanq’ib’il (Malgesini & Giménez, 2000, p. 330). At kyna’b’il xjal iqin kyu’n najnixim kyi’j junjuntl ch’uq xjal ex noq nxi kynab’lin kynab’il kyi’j juntl ch’uq xjal, kukx maj mya’ b’a’n xim (Dávila, Estrada & Fuentes, 2000, p. 108).

Ja’tzan ntzaj anq’ina ex tokb’in

Chitzan kyyol ajna’b’il ti’j kyximxjal, qa kukx maj noq ya’b’in in ok kyniky’in xjal kyxim ti’j junjun ti’ te ojtzqib’il twitz tx’otx’, minti’ nxi kyxpich’in ti’j tojxix tumil (Dávila et al., p. 108). Atza nchi tzaj qeya najnixim toj kyja xjal, toj jaxnaq’tzb’il, kyuk’il kyxjalil, kyoj aq’pil tqanil ex kyoj junjuntl chmob’il ate kyxol tnam (Malgesini & Giménez, p. 333).
Aqe najnixim nchi okb’in kyu’n xjal te: a) kolb’il kyib’ kywitz xjal te junxitl anq’ib’il, b) kujsb’il mujb’il kyxolx, ex c) te iky’b’il qe xjal te junxitl tanam mo ch’uq xjal (Malgesini & Giménez, p. 334).

Najnixim kyi’j xjal te junxitl anq’ib’il

Aqe najnixim mo nejnixim, nkyq’uma’n tumil tze’n tu’n kyyolina ex tu’n kyyek’ina kyib’ xjal kywitzjo xjal te junxil anq’ib’il (Malgesini & Giménez, p. 332), atzin kyxim xjal ajiky’il, in ok kyq’o’n te kypaj qxjalil ex te kypaj txqantl anq’ib’il, qa kyu’n mo aqe b’inchil tkyaqil il nb’ajb’aj kyxol tnam _yek’b’il ti’j_ jni’ il, elq’in, lat’b’in ex xob’ajil, qu’n tu’n miky’xe kyanq’ib’iljo ex kyokslab’il txqantl tanam tze’nku okni anq’ib’il. Lu’ junjun najnixim kchi xe’l chiky’b’it te yek’b’il (van Dijk, 1997, p. 209; Tubín et al., p. 16):

  • “Ajb’inchil il qe kye q’eqxjal”.
  • “Tu’n kypaj qxjalil minti’ nch’iy qtanam”.
  • “Minti’ qe kye ajmaya, o chi kub’ naj xjal a”.

Tu’n kyel najo najnixim toj kynab’il ajiky’il, il ti’j tu’n tel kyniky’ ti’j tipumal ex nimb’il kyanq’ib’il kykyaqil tanam, ex tu’n tten xnaq’tzb’il kye k’wal ex ku’xinm tu’ntzan tel kyniky’ ti’tzan qu’nil ati jni’ tx’ixpib’il kyxol kyanq’ib’il tanam, qa mina õi kub’ naj, kyja’ nchi jaw poq’ina najnixim ex in ok toj kynab’il xjal qa ax kynab’iljo xim a (Dávila et al., pp. 108-109). Tu’npitzin, il ti’j tu’n tten toj qnab’il ajo ntq’uma’n Tx’olb’il Tib’aj Kylok’il ex Qe Najnixim ti’j Kyanq’ib’il Junxil Xjal: a) kykyaqil xjal ex tanam at kyoklen ti’j miky’xb’il tumil kyanq’ib’il, tu’n kykub’ nimin tze’kux kyten; b) kykyaqil txjalil jun tanam at tipumal kyxmilal ex kynab’il tu’n tkanet tb’anil ch’iyb’il kynab’il, kyb’inchb’il, kyxjalb’il, kypwaqb’il, kyanq’ib’il ex kyumb’il; ex c) kykyaqil xjal juniky’ tipumal kychwinqil ex kyoklen aj kyanq’in, ex kykyaqil xjalqe twitz tx’otx’ (Organización de las Naciones Unidas para la Educación, la Ciencia y la Cultura, 1978).

Glosario bilingüe

  • Na’b’il = inteligencia
  • Oklenj = derecho
  • Pwaqb’il = economía
  • Tumb’il = política

Referencias bibliográficas

  • Dávila, A., Estrada, I., & Fuentes, R. (Eds.). (2007). Diagnóstico del racismo en Guatemala (2a. ed., Vol. 3). Guatemala: Vicepresidencia de la República de Guatemala.
  • Malgesini, G. & Giménez, C. (2000). Guía de conceptos sobre migraciones, racismo e interculturalidad. Madrid: Catarata.
  • Organización de las Naciones Unidas para la Educación, la Ciencia y la Cultura. (1978). Declaración sobre la Raza y los Prejuicios Raciales. Francia. Recuperado el 26 de septiembre de 2010, de http://unesdoc.unesco.org/images/0011/001140/114032s.pdf#page=61
  • Tubín, V., Jiménez, A., Dávila, A. & Sapón, F. (2010). Propuesta para un periodismo pluralista: guía para la discusión. Guatemala: Universidad Rafael Landívar.
  • van Dijk, T. (1997). Racismo y análisis crítico de los medios. Barcelona: Paidós.

Categorías

¿Te ha gustado? Comparte este artículo

La educación de Guatemala te necesita

Durante los últimos nueve años, desde nuestra fundación en 2009, hemos llevado artículos educativos e información valiosa a millones de guatemaltecos.

En casi una década de vida, Wikiguate ha recibido el apoyo de diversos miembros de la sociedad local y actores internacionales para nacer y establecerse como un sitio de referencia sobre Guatemala.

Ahora te necesitamos a ti también, para seguir creando y editando información y artículos educativos para satisfacción de la población guatemalteca. Nuestro país es una de las cinco naciones más violentas del mundo y con los índices más bajos de desarrollo humano del continente. Solamente la educación nos hará salir adelante.

Apoya a Wikiguate

Pago Seguro