Racismo/mam - WikiGuate

Racismo/mam

(Última actualización: febrero 27, 2015)

A tej i’yb’il jun ti’ nb’aj kyxol xjal tu’n tpaj njaw kynimsin tipumal junjun tx’ixpib’il at toj kyanq’ib’il mo tka’yb’il kyxmilal, axtok mo noq nxi kyximin, te nimsb’il jun ch’uq xjal ex te yajb’il juntil, tu’ntzan tok ky’ixb’it ex tu’n tkub’ muyb’it (Casaús, 2003, p. 109). Toj txilnin xim lu’, jun taq’unb’il mo tmakb’il iplenb’il tu’n kyokx xjal tjaq’ tipin, ex tu’npitzan mya’ juniky’ oksb’il kye xjal ti’j tpwaqb’il ex tten kychwinqil tnam ex kyxim, qu’n tu’n, “jun wiq xim, yol ex nab’il iqin tu’n iky’b’il, at muyb’il ti’j kychwinqil xjal, minti’ in ok nimin kyoklen ex nchi ok ky’ixb’in kyu’n ajxo’lq’aq'” (Tubín, Jiménez, Dávila & Sapón, 2010, p. 13).
Axix te i’yb’iljo, nimsil tipumal junjun tx’ixpib’il toj kyanq’ib’il ex kyxim jun ch’uq xjal twitz juntl, “in ajb’in kye ajiky’il te b’inchb’il mya’ b’a’n kyi’j ky’ixb’in, tu’ntzan tklet ti’j tb’iyin mo taq’il tiky’b’in” (Memmi, citado por Cojtí, 2003, p. 51). A te i’yb’il jun ti’ nb’aj kyxol xjal, a minti’ in ok tq’o’n tipumal tx’ixpib’il at toj kyanq’ib’il tnam, tu’ntla ttten tb’anil yol ex tb’anil kyk’ulb’in kyib’ xjal ex qe tanam nchi najan toj ttx’otx’ qtanam, qala kyja’pa in ok ky’ixb’e kychwinqil xjal ex tanam tu’n i’yb’il, ex nkolin ti’j kyxim xjal ex tanam ex in iky’in kyi’j txqantl (Tubín, Verdugo & Jiménez, 2010, p. 18).

Tze’n nq’ancha’lina i’yb’il

Ate i’yb’il jun ti’ nb’aj kyxol xjal ex tnam, atza nq’ancha’lina ti’j i’jb’il, pa’b’il, najnixim, xmayb’in, mya’xb’il, maqb’il, e’wb’in ex xkyi’jb’in (Tubín, Jiménez, et al., 2010, p. 13; Tubín, Verdugo, et al., 2010, pp. 16-17). Tu’ntzan ikyjo, ila’ telnin tipin i’yb’il: a) nchi lab’te aj-i’yil tu’nxix tq’ancha’lin tx’ixpib’il kyxol tuk’il ky’ixb’in; b) nchi okb’in tx’ixpib’il toj kyanq’ib’il te jawsil tib’ aj-i’yil ex te muyb’il ky’ixb’in; c) nimin qa ikyxla kyten kykyaqil tx’ixpib’il kyu’n aj-i’yil ex minti’ nxi kyximin qa ja’ku chi tx’ixpaj; ex d) oksil jun ky’ixb’il mo jun klob’il toj junjun paq amb’il mo ch’aq in okin te jun majx. (Memmi, citado Cojtí, 2003, p. 51).

Atza twitz Paxil ch’qal nkub’ q’uma’n qa ajo i’yb’il ex iky’b’il ax ti’ nb’aj, mexix tetz tumil, junxil kye yol kyxilen (Tubín, Verdugo, et al., 2010, p. 17). Ate i’jb’il jun wiq pab’il nb’ant tu’n tpaj tyajil, tqab’il, tab’q’i; ante iky’b’il, antza ntzaj qeya te kyib’aj tx’ixpib’il kyxol kab’ ch’uq xjal tu’n kyanq’ib’il mo kyxmilal, b’a’n qa axtok mo noq nab’linx kyu’n.
Aqe tx’ixpib’il kyxol kyanq’ib’il ex kyxmilal kab’ ch’uq xjal, mya’qe kye nchi iky’in, qala atza ntzaj te iky’b’il qa kyu’n tx’ixpib’il mya’ juniky’ kyoklen ex etzb’il kypwaqb’il mo kyoklen ti’j tb’anil chwinqil toj junx tanmiyil mo nuk’tanam; qochku, qa at jtz’ob’il tib’aj jun tnam tu’n juntl (Casaús, 2003, p. 109).

Atzan toj qtanam twitz Paxil, at i’yb’il nb’aj toj ti’chaq in iky’ kyxol qxjalil ex mos, aqetzan taq’b’il at tokx toj kywi’ ajpaxil, toj kywi’ nchi iky’in ex toj kywi’ ky’ixb’in, ex aqe qxjalil nchi iky’sinte nim i’yb’il ex muyb’in kyten, atzan tumil tu’n tel naj i’yb’il, kyaq’un tkyaqil tnam ex qe k’lojchmob’il, tze’nku tten jaxnaq’tzb’il, il ti’j tu’n txnaq’tzan tojxix tumil, tu’n telxix kyniky’ ku’xin ti’j i’yb’il ex tu’n kyxnaq’tzan kyib’ tu’n kynimin, kyk’ulb’in kyib’ toj tzalb’ajil kyuk’il txqantl xjal te junxil anq’ib’il (Cojtí, 2005, p. 99 y 141).

Glosario bilingüe

  • I’yb’il = racismo
  • Muyb’il = dominación
  • Iplenb’il = poder
  • I’jb’il mo iky’b’il = discriminación
  • Ajiky’il = racista
  • Najnixim = prejuicio
  • Pa’b’il = segregación
  • Xmayb’in = burla
  • Pa’b’il = segregación
  • Mya’xb’il = estereotipo
  • Maqb’il = marginación
  • E’wb’in = invisibilización
  • Xkyi’jb’in = exclusión

Referencias bibliográficas

  • Cojtí, D. (2003). Heterofobia y Racismo Guatemalteco, Perfil y Estado Actual. En: O. España. El Racismo contra los pueblos indígenas de Guatemala (pp. 99 y 141). CNEM. Guatemala.
  • Discriminación y racismo (pp. 49-90). Guatemala: Comisión presidencial coordinadora de la política del Ejecutivo en materia de Derechos Humanos.
  • Tubín, V., Jiménez, A., Dávila, A. & Sapón, F. (2010). Propuesta para un periodismo pluralista: guía para la discusión. Guatemala: Universidad Rafael Landívar.
  • Tubín, V., Verdugo, L. & Jiménez, A. (2010). Cambiemos de Chip. Para una Guatemala plural, un periodismo incluyente (2a. ed.). Guatemala: Universidad Rafael Landívar.

Enlaces externos

Categorías

¿Te ha gustado? Comparte este artículo

La educación de Guatemala te necesita

Durante los últimos nueve años, desde nuestra fundación en 2009, hemos llevado artículos educativos e información valiosa a millones de guatemaltecos.

En casi una década de vida, Wikiguate ha recibido el apoyo de diversos miembros de la sociedad local y actores internacionales para nacer y establecerse como un sitio de referencia sobre Guatemala.

Ahora te necesitamos a ti también, para seguir creando y editando información y artículos educativos para satisfacción de la población guatemalteca. Nuestro país es una de las cinco naciones más violentas del mundo y con los índices más bajos de desarrollo humano del continente. Solamente la educación nos hará salir adelante.

Apoya a Wikiguate

Pago Seguro