Rosalina Tuyuc (k'iche') - WikiGuate

Rosalina Tuyuc (k’iche’)

(Última actualización: febrero 27, 2015)

Ri nan Rosalina Tuyuc ajchak ixoq ajiximulew, waralik winaq jela’ alaxnaq wi pa ri tinamit San Juan Comalapa, B’oq’o’, pa ri junab’ kajq’o’ wuqlajk’al waqlajuj/1956. Xok na b’anal taqanib’al pa le Moloj b’anb’al taqanib’al rech Iximulew chi uxo’l taq ri junab’ kajq’o’ b’elejlajk’al waqlajuj k’a oq’o’, rumal le juch’ob’ Frente Democrático Nueva Guatemala (xchupik/xsachik). Ri utat are Si’s Tuyuc, xkamsax pa ri junab’ kajq’o’ b’elejlajk’al ka’ib’/1982 kumal ri e Chajil Amaq’, xa junam xutaqale’j ri rachajil Rolando Gómez, pa ri junab’ kajq’o’ b’elejlajk’al jo’ob’/1985. Are Unimal Ajtz’ib’ re ri Tinamital Ch’ob’on kech e Malka’nib’ taq Ixoqib’ re Iximulew.

Uk’aslemal

Ri nan Tuyuc xumajij chak chi kixo’l tob’anel taq winaq pa San Juan Comalapa, B’oq’o’, ri kechakun pa uwi’ komon sik’in tz’ib’an uwawuj, pa ri ujayil tyox re Loq’alaj Ranima Ajaw (Sagrado Corazón) re ri tinamit, chi uxo’l taq junab’ kajq’o’ wajxaqlajk’al kajq’o’ wajxaqlajk’al lajuj . Xa pa uk’aj junab’ re Nab’e K’utik xq’ati’ wi ri utijonem, are k’u ri Kab’raqan pa ri junab’ kajq’o’ wajxaqlajk’al lajuj/1976 xq’atow uwach ri utijonem, xuterne´j k’u utijoxik rib’ xa ktaq uloq chech xa k’u jeri’ xuch’ak ri uwaq junab’ tijonem, jacha kub’ij ri Guatemalan Activist (oq’o’ lajuj/2010).
Xa rumal jun wokchak re kunanik, chi uxo’l ri kajq’o’ wajxaqlajk’al b’elejlajuj chi’l kajq’o’ b’elejlajk’al, xb’e che uk’otik kunanik pa Cobán, Alta Verapaz. Are k’u ri Chajil Amaq’ xuchomaj chi xa xumin rib’ chi kixo’l ri ajpaq’ayes winaq rumal k’u ri’ xchapataj uterne’xik, jacha ri “Tzijob’en re Rosalina Tuyuc” ( ik’ noviembre junab’ oq’o’ kajib’/2004).

Xk’oji’ k’u na pa ri Komon Kijunamil Ajchakib’ pa Juyub’ /CUC) are k’u nab’e uk’utuj rib’ chiwachil aretaq xekamsax ri Alberto Fuentes Mohr ch’il Manuel Colom Argueta (junab’ kajq’o’ wajxaqlajk’al b’elejlajuj/1979), mojo’qa k’u chreta’maj chi jun patanijem ch’ob’. Ri uchomanik pa kiwi’ ri tinamit waralik winaq, man rech ta moxq’ab’, wikiq’ab’ on pa k’u’x, (Tzijob’en re Rosalina Tuyuc, ik’ noviembre, junab’ oq’o’ kajib’/2004).
Rumal ri kisachem ri e keb’ rachalaxik xuquje ri k’axb’anoj xkiriq sib’alaj ek’i e waralik taq ixoqib’ chupam ri poq’ch’o’j xuchaple’j ukojik uchuq’ab’ chi rij ri kechb’alil winaq pa ri amaq’, jacha kub’ij ri Magallón (junab’ oq’o’ waqib’/2006). Tob’anaq pa ri
Tinamital Ch’ob’on kech e Malka’nib’ taq Ixoqib’ re Iximulew (Conavigua), majtal b’i pa ri ik’ septiembre junab’ kajq’o’ b’elejlajk’al wajxaqib’/1988, xa rumal taq k’axk’olil xkiriq taq ixoqib’ kumal taq e chajil ulew. Aretaq xnawalij uloq ri Conavigua maj ub’i’, xa e juq’at ixoqib’ ri xkitzukuj to’b’al kech pa taq tyoxja, q’atb’al tzij on ajq’axaja’ taq ch’ob’ ri kekowin b’a’ che kito’ik. Kamik chik pa ri Conavigua e k’o chi juchuy wuqlajq’o’ lajk’al/15,000 uwinaqil, jerí kub’ij Rico, M.(s.f.).

Xuquje’ xjunan pa ri Tob’an Ch’ob’on re Ch’akoj re Utzil/Jamaril chi rij Rigoberta Menchú Tum chi’l ri Ch’ob’on Cholajinem kech taq Mayib’ Q’at, chi kixo’l nik’aj chik. Pa ri utaqab’alil ri nima k’amal b’e Oscar Berger, xchap che k’amal b’e re chi Wachulewil Ukemalil Wiqinem (PNR).
Qas usuk’ub’am chi man karaj ta chik katzalij pa no’jib’al patanijem are karaj kachakun pa kiwi’ winaq, kuch’ikib’a’ chi ri b’anoj taqanawuj man kawachin taj (Tzijob’en re Rosalina Tuyuc, ik’ noviembre, junab’ oq’o’ kajib’/2004).
Pa ri ik’ mayo junab’ oq’o’ jo’ob’/2005, ri nan Tuyuc xpus ri uchimal k’a. Aretaq xel ula pa ri ja kunanib’al rachi’l ri uji’ chi’l jun rachch’ab’e’n, xchap kumal e kajib’ achijab’ k’o kik’aqb’al q’aq’, xexub’ix kumal chi juk’al minut xaq apawichi’ xek’am wi ub’ik. Pa uk’isb’alil xetzoqopix kanoq, jela’ kub’ij ri jab’un utzijol rumal ri tz’ib’wuj Prensa Libre. Xaq pa ri junab’ ri’ xya ub’i’ pa ri Ch’akoj re Utzil/Jamaril.

Kikamsaxik ri utat chi’l ri rachajil

Ri tat Si’s Javier Tuyuc, ajmayib’ kaqchikel, xelaq’axik xuquje’ xkamsax kumal ri e Chajil Amaq’ pa ri junab’ kajq’o’ b’elejlajk’al ka’ib’ e rachi’l wuqub’ winaq chik. Le Tuyuc xusuk’ub’a’ chi xk’am ub’i pa jun kik’olib’al chajil amaq’ ka’te k’uri’ xk’ot uchi’ xuquje’ xripib’ax chi uwach cruz (“Rosalina Tuyuc Velásquez”, junab’ oq’o’ wajxaqib’ q’ij re ri ik’ julio). waqib’
Pa kajib’ rajlab’al ik’ mayo junab’ kajq’o’ b’elejlajk’al jo’ob’/1985, ri rachajil ri nan Tuyuk Rolando Gómez, xelaq’ax ub’ik xuquje’ xkamsaxik. Ri k’axb’anoj are xb’anow ri Na’ojilal Chajin Amaq’, xuquje’ eta’matal uwach chi G2, jeri’ kub’ij ri “Tzijob’en re Rosalina Tuyuc” (ik’ noviembre junab’ oq’o’ kajib’).

Uk’olem chi b’anal taqanib’al pa ri Wokom B’anb’al Taqanib’al re Iximulew

Ri nan Tuyuk xcha’ik xok b’anal taqanib’al pa ri Wokom B’anb’al Taqanib’al rumal ri ch’ob’ Frente Democrático Nueva Guatemala pa ri Uk’yal Cha’onem re junab’ kajq’o’ b’elejlajk’al jo’lajuj/1995. Ri uwujil rokib’al pa ri Uwachulewil Cholajib’al xpe wi.
A’re xerachi’laj ri nan We’l Alvarado López, Carlos Barrios de León, Amílcar Méndez, Nineth Montenegro chi’l José Antonio Móbil, xaq pa ri ch’ob’ xuquje’ chi uxo’l taq ri junab’ kajq’o’ b’elejlajk’al waqlajuj-oq’o’.

Ri wujil kariqitaj wi

  • Guatemalan Activist: Rigoberta Menchú, Olverio Castañeda, Hilda Morales Trujillo, Rosalina Tuyuc, Rogelia Cruz, Myrna Mack y Ramiro Choc. Estados Unidos: General Books Publisher.
  • Tzijob’en re (Entrevista a) Rosalina Tuyuc. Prensa Libre. Riqitajnaq pa (Recuperado de) http://www.prensalibre.com/pl/domingo/archivo/revistad/2004/noviembre04/211104/dfrente.shtml, el 9 de noviembre de 2009.
  • Magallón, C. (2006). Ixoqib’ kakitzukuj ri Ja’marem/Mujeres en Pie de Paz: Chomanem xuquje’ Naq’tisab’al ib’/Pensamiento y Prácticas. España: Siglo XXI de España Editores.
  • Rico, M. (s.f.). We can’t forgive until we have justice. Riqitajnaq pa b’elejeb’ rajlab’al noviembre junab’ oq’o’ b’elejeb’/Recuperado el 9 de noviembre de 2009 de http://www.unesco.org/courier/1999_12/uk/dossier/txt03.htm
  • Rosalina Tuyuc Velásquez. (2006, 8 de julio). Riqitajnaq pa b’elejeb’ rajlab’al noviembre junab’ oq’o’ b’elejeb’/Recuperado el 9 de noviembre de 2009, de http://word.world-citizenship.org/wp-archive/548

Categorías

¿Te ha gustado? Comparte este artículo

La educación de Guatemala te necesita

Durante los últimos nueve años, desde nuestra fundación en 2009, hemos llevado artículos educativos e información valiosa a millones de guatemaltecos.

En casi una década de vida, Wikiguate ha recibido el apoyo de diversos miembros de la sociedad local y actores internacionales para nacer y establecerse como un sitio de referencia sobre Guatemala.

Ahora te necesitamos a ti también, para seguir creando y editando información y artículos educativos para satisfacción de la población guatemalteca. Nuestro país es una de las cinco naciones más violentas del mundo y con los índices más bajos de desarrollo humano del continente. Solamente la educación nos hará salir adelante.

Apoya a Wikiguate

Pago Seguro