Waralik Tinamit re Iximulew - WikiGuate

Waralik Tinamit re Iximulew

(Última actualización: febrero 27, 2015)

Ri waralik tinamit re Iximulew wokotal rumal ri kak’al jun 41% (kak’al jun jo’k’alil) che ronojel uwinaqil ri amaq’, jacha ne 4710440 che ri e 11237196 uwinaqil ri e tz’ib’atalik pa ri kajib’al winaqil re 2002/oq’o’ ka’ib’ (Verdugo, 2009, p. 853). Ri e waralik taq winaq pa we amaq’ e are taq wa’ Mayab’, Garífuna chi’l Xinca; ri Taqb’anel re ri Amaq’ Iximulew reta’mam ri na’ojub’anikil jacha ri rechab’alil no’jib’al patanijem, pwaqil, molojil chi’l b’anikil, jacha ri kub’ij ri K’amowem pa uwi’ na’ojb’anikil chi’l kechab’alil waralik taq winaq (1995/kajq’o’ b’elejlajk’al jo’lajuj).

Ri waralik tinamit ri sib’alaj e k’i uwinaqil pa we amaq’ are ri Mayab’, ma are uk’exwachim ri 39,3%(juk’al b’elejlajuj,oxib’ jo’k’alil) che ri uk’yal uwinaqil xuquje’ wokotal rumal juk’al ka’ib’ mayab’ cholchi’ (Verdugo, 2009, p. 855): k’iche’, mam, mopan, poqomam, poqomchi’, q’anjob’al, q’eqchi’, sakapulteko, sipakapense, tektiteko, tz’utujil y uspanteko. Ri 28%(juk’al wajxaqib’ jo’k’alil) re ri uwinaqil mayab’ chupam ri k’iche’ mayab’ cholchi’, ri 19,3%(b’elejlajuj, oxib’ jo’k’alil) che ri q’eqchi’, el 18,9%(wajxaqlajuj,9 jo’k’alil) che ri kaqchikel chi’l ri 14%(kajlajuj jo’k’alil) che ri mam (Verdugo, 2009, p. 855).

Ri kub’ij ri kajib’al winaqil re junab’ 2002/oq’o’ ka’ib’, xew ri 1,7%(jun, wuqub’ jo’k’alil) che ri uwinaqil amaq’ kakitz’ib’aj kib’ pa taq ri tinamit Xinca chi’l Garífuna. Jacha na k’u ri kub’ij ri’ ri uxe’al, we ne e 16000(kachuy) winaq ri kakiq’alajisaj kib’ chi a’jxinca e 5040(kab’lajq’o’ oxlajk’al) chi a’jgarífunas; are k’uri Wokom K’amojb’e re Tinamit Xinca re Iximulew ya’om utzijol chi e 164613(juk’ala’ julajq’o’ lajk’al oxlajuj) winaq ri kitz’ib’am kib’ chi a’jxinka (Verdugo, 2009, p. 857).

Jachanem rulewal

Jacha kub’ij ri Programa re Naciones Unidas para el Desarrollo (PNUD, 2005, p. 66), ri waralik winaqil pa Iximulew:

  • Kich’ob’om kib’ pa ri uk’u’x jorona juyub’, releb’al kaqiq’-uqalb’al q’ij xuquje pa ri releb’al kaqiq’ re ri amaq’, xuquje’ e jab’unaq pa ronojel rulewal amaq’ (pa kab’lajuj re ri juk’al ka’ib’ taq tinamital ri wokownaq ri pa’ital wi ri kajmanem-ulewil).
  • Pa Chwi Miq’ina’, Tz’olojya’, Alta Verapaz, K’iche’ chi’l Boq’o’ uq’a’wachim chi uxo’l ri 75% chi’l 100%(oxk’al jo’lajuj jo’k’alil chi’l jo’k’al jo’k’alil) re ri uwinaqil ronojel ri tinamital.
  • Pa Chinab’ajul, Baja Verapaz, Xelajuj No’j chi’l Suchitepéquez kiq’a’wachim chi uxo’l ri 50 chi’l 75% (kak’al lajuj jo’k’alil chi’l oxk’aljo’lajuj jo’k’alil) re ri uwinqil ronojel ti tinamital.
  • Pa Sacatepéquez, San Marcos chi’l Petén kiq’a’wachim chi uxo’l 25% chi’l 50%(juk’al job’ jo’k’alil chi’l kak’al lajuj jo’k’alil) re ri uwinaqil ronojel ri tinamital.
  • Pa Iximulew chi’l nik’aj chik b’elejeb’ taq tinamital kiq’a’wachim teren kan chi rij 25%(juk’al job’ jo’k’alil) re ri uwinaqil ronojel ri tinamital.

Silob’alil

Ri ch’ob’ taq waralik winaqil ri sib’alaj e k’i we ne kakik’utunsaj jun k’iyarem re silob’alil; jacha k’amb’alno’j, ri k’iche’ mayab’ cholchi’, re ri mayab’ tinamit, qas ne kich’ob’om kib’ pa job’ taq tinamital, jalajoj k’u ri kik’olik pa ronojel taq tinamital re ri amaq’. (PNUD, 2005, p. 66).
Ri e ch’ob’ man qas ta e k’i kiwinaqil, ri jalan kajlab’alil chi kiwach ri sib’alaj e k’i, kich’ob’om kib’ pa taq ulewal sib’alaj q’atetalik, jacha kb’antaj chi kixo’l taq mayab’ cholchi’ re ri mayab’ tinamit ri keriqitaj pa jun chi’l kajib’ taq tinamit: tektiteko, mopan, uspanteko, sakapulteko, sipakapense, awakateko, akateko, poqomam, ch’orti’, jakalteko, chuj, tzutujil, ixil, achi’ y q’anjob’al (PNUD, 2005, p. 68).

K’iche’ choltzij

  • Waralik tinamit = población indígena
  • Kajib’al winaqil = censo
  • Na’ojb’anikil = identidad
  • K’exwachim = representa
  • Wokom k’amojb’e = parlamento
  • Jachanem rulewal = distribución territorial
  • Kajmanem-ulewil = administrativo-territorial
  • Silob’alil = movilidad

Ri wujil kariqitaj wi

  • Acuerdo sobre identidad y derechos de los pueblos indígenas. (1995). En S. García (s.f.). Los acuerdos de paz. Presidencia de la República de Guatemala.
  • Programa de las Naciones Unidas para el Desarrollo (2005). Diversidad étnico-cultural y desarrollo humano: La ciudadanía en un Estado plural: Informe Nacional de Desarrollo Humano 2005. Guatemala.
  • Verdugo, L. (2009). Guatemala. En: I. Sichra (Ed.). Atlas sociolingüístico de pueblos indígenas en América Latina (pp. 852-874). Bolivia: Unicef y FUNPROEIB Andes.

Categorías

¿Te ha gustado? Comparte este artículo

La educación de Guatemala te necesita

Durante los últimos nueve años, desde nuestra fundación en 2009, hemos llevado artículos educativos e información valiosa a millones de guatemaltecos.

En casi una década de vida, Wikiguate ha recibido el apoyo de diversos miembros de la sociedad local y actores internacionales para nacer y establecerse como un sitio de referencia sobre Guatemala.

Ahora te necesitamos a ti también, para seguir creando y editando información y artículos educativos para satisfacción de la población guatemalteca. Nuestro país es una de las cinco naciones más violentas del mundo y con los índices más bajos de desarrollo humano del continente. Solamente la educación nos hará salir adelante.

Apoya a Wikiguate

Pago Seguro