Winaq/mam - WikiGuate

Winaq/mam

(Última actualización: febrero 27, 2015)

Toj kyxim qchman, ajo yol Winaq a txilen “jun xjal at tchwinqil”, “jun itz’ tz’aqtzb’il chwinqil twitz tx’otx’, tu’ntzan nchi k’amo’n xjal kyib’ tuk’il tkyaqil ti’chaq at twitz Qtxu Tx’otx’, tu’n kyten toj txub’txb’il” (García, Curruchiche & Taquirá, 2009). Toj kynab’il qchman, tkyaqil ti’chaq at twitz tx’otx’ at tchwinqil tze’n mo tza’n jun winaq mo xjal, tu’ntzan ajo yol winaq, a txilen jun itz’ tz’aqlexix:

Kykyaqil ti’chaq at twitz Qtxu Tx’otx’ at kychwinqil ex kykyaqil ti’chaq at kyajb’in twitz tx’otx’, o’kx tx’ixpib’il kyxol xjal kyuk’il ti’chaq, tu’n b’a’n ximin ex nmojin tu’n mina kub’ naja twitz Qtxu Tx’otx’. (García, Curruchiche & Taquirá, 2009, p. 210)

Toklen yol Winaq toj qanq’ib’il

Ikytzan nkub’ tq’uma’n Jiménez (2009, p. 15), qa ajo yol Winaq nimxix token toj qanq’ib’il Maya, qu’n nimxix xim ex nab’il iqin tu’n:

Kyoj kykyaqil qe ojtxe tz’ib’b’in tib’aj tchwinqil qtanam, ajo yol winaq, a txilen “xjal”. Toj tumil junxil xim, a mya’ kyxim qxjalil, minti’xix txilen, me toj kyxim qxe’chil mo qxjalil, ajo yol winaq ila’ txilen tu’n tel qniky’ ti’j tchwinqil xjal.

Ax Jiménez (2009) ntzaj chiky’b’inte qa ajo yol Winaq, at kyojela kyyol qxjalil, ex at oxe txilen kyk’amomela kyib’; a tnejil txilen a ti’j tchwinqil xjal, atzan tkab’ ti’j ajlab’il amb’il ex atzan toxin ti’j nuk’b’inte ajlab’il kyu’n qchman:

Jun yol nimxix txilen toj kynab’il qchman ex toj kyyol kykyqil qe tnam ẍi el anq’in ti’j kytanam qxe’chil. Atzan tq’umalajtz ex ttz’ib’ajtz ila’ nkanet tze’n winak, winik, winaq, me axtok txilen o ch’ime ikyxjo kyoj kykyaqil kyyol qxjalil. At oxe txilen toj kynab’il ex kyyol qxjalil, tnejil, in elpon ti’j tchwinqil xjal, tkab’ ti’j ajlab’il q’ij, atzan yol winaq, junk’al q’ij at toj ex atzan toxin txilen, a tq’uqb’il kyajlab’il qxjalil. Ajo yol winaq, npon kanin txilen ti’j amb’il, tenb’il, tchwinqil xjal, ajlab’il q’ij ex ti’j ajlab’il tajlal, qe yol lu’n, kyk’amomela kyib’ toj kynab’il qchman (Jiménez, 2009, p. 15).

Atzan txilen yol Winaq toj ajlab’il, Chitzan Jiménez (2009, p. 16):

Yek’b’il ti’j tilb’ilal yol Winaq toj tz’ib’in kyu’n qxe’chil ojtxe, ila’ tilb’ilal. Ajo yol winaq, nimxix txilen tuk’il tchwinqil xjal, mya’ noq te ajlab’il, qala in okin te q’umb’il tten tchwinqil xjal.
Ikytzan nkub’ kyq’uma’n qxjalil toj qtanam mam, winaq ta’, chichi ti’j jun qya o tz’ok tiqin tal, qu’n winqin maj oxlaj q’ij toj tchwinqil k’wal nb’aj toj tk’u’j ttxu, ex aj tanq’in, tojxi winqin q’ij ok okil yek’it twitz Qtxu Tx’otx’. Ex nkub’ kyq’uma’n xjal ti’j winaq ti’j jun tijxjal, qu’n ch’iẍ tpon b’aj toj tchwinqil ex tu’n txi qe juntl wiq tchwinqil.

Ex ax Jiménez (2009, p. 16) nq’umante:

Tk’amon tib’ txilen yol winaq tuk’il kynab’il qchman, qu’n ajo yol na, a tlok’il na’b’il ex tlok’il yol na’l, tu’ntzan il ti’j tu’n tkub’ qximinxix ti’tzan txilen yol winaq, tu’n tel qniky’ ti’j qchwinqil, ti’j tchwinqil qtanam ex ti’j tchwinqil xjal twitz tkyaqil tx’otx’.

Referencias bibliográficas

  • García, A. P., Curruchiche, G. & Taquirá, S. (2009). Ruxe’el mayab’ K’aslemäl Raíz y espíritu del conocimiento maya. Guatemala: Dirección General de Educación Bilingüe Intercultural, Instituto de Lingüística y Educación de la Universidad Rafael Landívar, Consejo Nacional de Estudios Mayas.
  • Jiménez, A. (2009, mayo). Winaq-winik-winak: Base del pensamiento filosófico Maya. Cultura de Guatemala, tercera época, año XXX, volumen II (pp. 15-16). Guatemala: Universidad Rafael Landívar.
  • Mendez, L., Valey, E. & Hernández, D. (2008). Historia Mayab’ Capítulo: Mayer Maya’nawom B’aanuhom. Guatemala: Asociación Maya UK’U’XB’E.

¿Te ha gustado? Comparte este artículo

La educación de Guatemala te necesita

Durante los últimos nueve años, desde nuestra fundación en 2009, hemos llevado artículos educativos e información valiosa a millones de guatemaltecos.

En casi una década de vida, Wikiguate ha recibido el apoyo de diversos miembros de la sociedad local y actores internacionales para nacer y establecerse como un sitio de referencia sobre Guatemala.

Ahora te necesitamos a ti también, para seguir creando y editando información y artículos educativos para satisfacción de la población guatemalteca. Nuestro país es una de las cinco naciones más violentas del mundo y con los índices más bajos de desarrollo humano del continente. Solamente la educación nos hará salir adelante.

Apoya a Wikiguate

Pago Seguro